Alboro vittorioso, e triomphal
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Siando incolorao con sier Amor | Edission e fonte ▼ | O casa bella tanto sontuosa → |
Alboro vittorioso, e triomphal,
Honor d'Imperadori, e de Poeti,
Quanti ne fastu andar magri, e lindeti,
Che per ti no n'ha pro, ne cavedal.
Per certo le brigae, si fa un gran mal,
Quando se vede spiriti descretti,
Che per cattiva sorte, e poveretti,
A no impirghe d'ingiostro el caramal.
Zentilezza de sangue, ni bel fante
Armigero, piacente, o vertuoso,
No s'apriesia si no, quanto besogna.
Un savio el mondo, el reputa furfante,
E muor da fame, chi è troppo inzegnoso,
No consiste a piar pesse bona togna.