Alora e adesso...
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Primi zorni de otobre | Edission e fonte ▼ | Cara la mia putela... → |
Quel balconçelo gera una pitura,
tuto fiorìo da un tenaro lilà,
el pareva un zardin aderetura
4co 'l sol là ghe bateva imbrilantà.
Gera una festa fora de misura,
co' qualche selegoto inamorà
al çielo, a l'aria, a tuta la natura
8ghe cantava i so amori entusiasmà.
E a completar quel quadro, quel zogelo
ogni tanto vegniva al davanzal
11una testina mora, da penelo,
do' oci neri, neri, un ideal!
e pareva più beli alora i fiori
14el sol più ciaro e cargo de colori....
E adesso che sarìa la primavera,
la più cara stagion de le stagion,
ch'el çielo da matina insin a sera
18xe sempre tanto belo e cocolon,
Adesso che ne l'aria e su la tera
gh'è un profumo che fa le sensazion,
che nel cuor e ne l'anema ghe impera
22l'amor e i sentimenti de passion,
Adesso tuto, tuto xe cambià:
su quel balcon de riose e de piteri
25no vedo più el viseto inamorà,
e senza la testina e i oci neri
el lilà me par morto, intisichio,
28el sol belo de magio scolorio.....