Amor de razza
|
Edission original: |
Giovanni Mazier, Passatempi de Tasi Nane, Venezia, Fratelli Visentini, 1894 |
|
Fonte: |
Indice:Mazier - Passatempi de Tasi Nane, Venezia, Visentini, 1894.pdf |
| ← Fin de Secolo | Edission e fonte ▼ | La nova lege su la stampa → |
Si, xe verissimo
Se dà anatèma
A certe massime
Senza la tema,
Da far spropositi
Co' molti impianti
Onde aver gloria
De certi vanti.
In Franza l'ordene
Se dà contrario
Al ben dei popoli
In modo vario.
Ancùo se interpreta
Ancùo se vol
Su l'orizonte
Un novo sol.
L'aclamatissima
Fraternità
Co' l'Eguaglianza
E Libertà.
Cose illusorie,
Veri sempiessi
I li ritien
Per lori stessi.
Mestri i se reputa
De libertà
I insegna ai altri
Ciò che i à inventà,
In modo barbaro
Co' arte fina
Cose che in Africa
E gnanca in China,
De assae più oribili
Se pol trovar
Co' falso termine
I sa inventar.
Tuti xe liberi
Anca i fradei;
Ma se sa farghe
Da farisei,
E novi incendi
Stragi, viltà,
Cussì s'intende
La libertà,
No imaginandose
Che tanti mali
Porta rovina
Anca ai so eguali,
E compiacendose
De la tragedia
I li strascina
Fin ne l'inedia,
Co' poche ciacole
Perchè ognun tasa
La porta a tuti
Sera de casa.
Covenientissimo
Questo sistema
Trovà i à prontissimi
E senza tema.
Sigar bulissimi
Nu li sentimo
A tuto el mondo
Che questo è 'l primo.
Sapiente popolo
Nazion modelo
Che no sa storzer
Gnanca un cavelo.
Nazion equivoca
Piena de garba,
De molto spirito
Che ancora in barba.
A molti popoli
A le nazion
Darghe voria
Nove lezion.
Lo so che barbara
Ancùo ti xe,
Amiga tua
jamais, jamais.