Aqua remedio al fuoco, che me scota
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Andando un zorno a Lio col mio famegio | Edission e fonte ▼ | Missier lo prior caro de veluo → |
Aqua remedio al fuoco, che me scota.
Socorso, agiuto al mio cuor brustolao,
Che'l povereto xe sta assassinao
Da vinti donne tutte in tuna frota.
Cupido po m'ha dao sì gran bota
Da drio via, che son sta trapanao
El fianco, col bonigolo, el figao.
Ficando l'archobuso, e la balota.
E in quel che vogio scamparghe de i pie,
Venere sì ma tratto in tel mustazzo
Una corbetta piena d'herbarie.
De forte che son tanto compienazzo,
Che zorno, e notte, e fon minchionarie,
Fin che haverò da Madonna el melazzo.