Missier lo prior caro de veluo
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Aqua remedio al fuoco, che me scota | Edission e fonte ▼ | E voio tanto ben a quel Muran → |
Missier lo prior caro de veluo,
Cho feu, cho steu con Dona Poesia?
Si havè da niovo qualche fantasia,
Partecipe con chi vu se ottegnuo.
Certo daspuo che mi v'ho cognossuo,
E tante volte scontrao per la via,
Mai m'have dao niguna bizzaria,
E tutti i vostri amisi ghe n'habuo.
Degneve de mandarme un presentin,
Che ve darò anche mi qualche cossetta,
Da real hom, e vero cittadin.
Deme un sonetto, o una stancieta,
Vu che levè con le Muffe a matin,
E che zioghe con esse alla fossetta.