E voio tanto ben a quel Muran
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Missier lo prior caro de veluo | Edission e fonte ▼ | Parabosco mio bello, inzucarao → |
E voio tanto ben a quel Muran,
Che a dirvelo certo in veritae,
Ston in pensier de vender le mie intrae,
E vegnir là per starmene pi san.
Ve zuro al sangue de sier Cantian,
Che quando xe al tempo de l'instae,
E che son là ho tanta volentae,
Che si ben ho disnao, e magnao un pan.
Quei horti e pieni de herbe uliose,
E quel canal cusi chiaro, e pulio,
Con quelle belle case sì aierose.
Pagheve po d'i veri che xe in rio
Con tante creature, che par riose,
Liogo, che la stampao Domenedio.