Arivo de Cupido a Belun

by Alvise Cicogna

3 Arivo de Cupido
a Belun
Anacreontica A CUPIDO, PERCHÉ EL VEGNA A BELUN Alvise Cicogna XIX poesie

Indice:Raccolta di poesie in dialetto veneziano 1845.djvu

Alvise Cicogna

Arivo de Cupido
a Belun
Anacreontica

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

←  A CUPIDO, PERCHÉ EL VEGNA A BELUN

Edission e fonte ▼

ARIVO DE CUPIDO

A BELUN.

ANACREONTICA.

Ecolo! ecolo!
     Viva Cupido!
     Scampà da Gnido,
     4Ecolo qua!
Su un salta nuvole
     D'oro e d'arzento,
     Portà da un vento,
     8L'è capità.
Psiche gh'è a latere,
     La so dileta,
     Co la lumeta,
     12Col cavalin.
El desiderio
     Vestio de fogo
     Ga el terzo logo
     16Nel carozzin
Ecolo, ecolo!
     In Campedelo
     El Furianelo
     20L'à messo zo.
Sorpreso el popolo
     Nume lo chiama,
     Re lo proclama
     24In prostinò.
Presto a l'omagio,
     Zoveni eleti,
     Divoti e lieti
     28Ofrighe el cuor.

Fremiti, e palpiti
     No ve xe ignoti:
     Savè che moti
     32Dolci ga amor!
Se el ferma stabile
     Qua el so sogiorno
     Sarà ogni zorno
     36Chiaro e seren;
El clima rigido
     Muarà natura:
     Fiori, e verdura
     40Darà el teren.
Ninfe belissime,
     Ninfe vezzose,
     No siè ritrose,
     44No abiè timor:
Canteghe un cantico,
     Meteve in festa:
     Che tra nu resta
     48El dio d'Amor.