Barcarola (Augusto Levi)
|
Edission original: |
Augusto Levi, Versi in dialetto triestino, Trieste, Caprin, 1915 |
|
Fonte: |
| ← Bosco dei Pini | Edission e fonte ▼ | El castel de la colonia americana → |
Xe presto note — note serena
Spunta la luna — la luna piena,
Varda le stele — par de brilanti
Coi ragi de oro ― le parla al cor.
Note de amanti — note de amor
Careze e palpiti
Ga el mar stasera,
Par che sia musica
Ala riviera,
Senti sta arieta
Consola el cor,
Nela barcheta,
Vien far l'amor.
In mezo le onde se godaremo,
E dondolandose — l’amor faremo,
Po a fondo l'ancora — boca con boca,
Solo de basi — vivi l’amor
E s’cioca, s’cioca — Che i vien dal cor.
Careze e palpiti, ecc.
In ciel, tesoro — brila le stele,
Le inamorade — xe le più bele,
Co ti me basi — come una stela
Credime bionda — ti ga el splendor,
Perchè più bela — te fa l’amor.
Careze e palpiti, ecc.