Biffi, che per far beffe, e baffe, e buffe
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Passera solitaria in ti cogoli | Edission e fonte ▼ | Duro cuor, e salvadega, ria vogia → |
Biffi, che per far beffe, e baffe, e buffe,
Se piu valente, che sier Mallacise;
Co i vostri andari pieni de devise,
Accompagnae da morfe tutte muffe.
De rif, e raf; con vu perdè le ruffe,
Che volè vuove, che fazza pernise;
Perche havè adosso una certa raise,
Che v'aida da ceffi, zaffi, e zuffe.
Si che per ogni villa, e valle, a vella,
El vostro nome tira, tore, in terra,
Mostrando in frotta, in fretta, boni fruti.
Vu havè fra mille, la piu malla mella,
Che in do moti, fa colpi mati, e muti;
Tanto quel ferro fora, onde la ferra.