Carità de moda
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Ludro | Edission e fonte ▼ | No l'è più quela! → |
CARITÀ DE MODA
El so vecio de lu, da formaier,1
L’à fato le palanche a capelade,2
E lu el ghe n’à mucià3 de le palade4
Col dar via soldi5 e far el cantinier.
El g'à carossa, coga, camarier,
Un palassoto e de le bone entrade;
El par ’na bóta6 a forsa de paciade,7
Ma l’ambission ghe mete un gran pensier.
To’, ghe salta un'idea, che, se la taca,....
L’è de dar una soma al so päese
Par farghe, a î mostri, i sgalmaroti8 a maca.
E tuto alegro el dise a so muier:
“Ste palanche, Taresa, i è ben spese;
Che sarò, finalmente, cavalier!„
- Note