Cartesio quel filosofo eccellente
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Delle volte me passa per la mente | Edission e fonte ▼ | D'esser solo a sto Mondo mi gò in testa → |
Cartesio quel filosofo eccellente,
Che tanto in te le cose andava drento,
L'hà fatto quel bellissimo argomento
4Contro quei, che credeva d'esser gnente.
Perchè mi, co me passa per la mente,
Che mai no stago ben, che mal no sento,
No posso aver l'istesso sentimento,
8Come l'hà fatto lù con quella zente?
Lù hà dito, penso, donca mi ghe son,
Che a chi no ghè 'l pensar no s'appartien,
11E chi s'oppone a questo xe un cogion.
Mi vado avanti, e credo de dir ben,
E ghe ne cavo doppia conclusion;
14Mi son in Mona, donca stago ben.