D'esser solo a sto Mondo mi gò in testa
D'esser solo a sto Mondo mi gò in testa
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Cartesio quel filosofo eccellente | Edission e fonte ▼ | Chi dise accidental combinazion → |
CONOSCE L'ESISTENZA QUANDO FOTTE.
SONETTO
D'esser solo a sto Mondo mi gò in testa,
E che fuora de mi gnente ghe sìa,
E cussì co sta bella fantasìa
4Mi me la passo, e gnente me molesta.
In sta maniera stago sempre in festa,
Perchè gnente no gò de fuora vìa,
Che possa desturbar la mente mìa;
8Me parlo, e me respondo sù alla presta.
De gnente sicurezza mi no gò,
Ch'esista 'l Ciel, la Terra, ogni persona,
11Ma che mi solo esista, altro no sò.
Sto pensier in tun caso me cogiona;
E saveu, quando credo siemo in dò?
14Allora quando son col Cazzo in Mona.