Chi dise accidental combinazion
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← D'esser solo a sto Mondo mi gò in testa | Edission e fonte ▼ | Come chi stà per veder qualche festa → |
Chi dise accidental combinazion
Esser sto Mondo, e che l'anema mora,
Chi in tutti i Dei de varo crede ancora,
4Chi in do principj uno cattivo, e un bon.
Chi al non nato Messìa gà devozion,
Chi Calvin stima, e chi Lutero onora;
Chi'l Sol, chi piante, chi elementi adora,
8Chi vuol Maometto, e chi l'Incarnazion.
Chi ammette el Pittagorico sistema,
Chi al proceder del terzo se fà brutto,
11Chi alle cause seconde no perdona;
Ma 'l Baffo, ch'in ste buzare no hà flema,
Per sbrigarse alla prima el nega tutto,
14E glorioso, e trionfante el corre in Mona.