Cesaro puo, che Tholomeo d'Egitto
Cesaro puo, che Tholomeo d’Egitto
|
1557
|
| ← Mille fiae o dolce, e cara ombrella | Edission e fonte ▼ | Stemo Amor a vardar la nostra gloria → |
Cesaro puo, che Tholomeo d'Egitto,
De fier Pompeo, ghe donete la testa,
Celando in tel so corpo, fe gran festa;
Benche in tra le persone el stesse afflitto.
E quel altro Anibal, che fo sconfitto
Dise Fortuna ti m'è pur molesta,
Ridando se strace el viso, e la vesta,
Vedando 'l tempo, che iera prescritto.
Cusi intravien à diverse brigae,
El dolce garbo, e i piaseri in pianto,
El sono in travagiosi passizari.
Perzo, si qualche volta balo, e canto,
Fago per no giazarme al Sol de instae,
Che mal sta un pover'hom sena danari.