Chi mai se l'averave imaginada

by Gian Giacomo Mazzolà

3 XIII I cavei de Nina XII XIV Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XIII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XII

Edission e fonte ▼

XIV  →

XIII

Chi mai se l'averave imaginada
     Che mi dovesse ne la prima volta
     Che ò visto quela bela Drezza sciolta
     4Bruscar sto boconzin de inamorada?

Col so deeto Amor me l'à mostrada,
     E mi inocentemente in man l'ò tiolta,
     E in quel che la vardava, el can se volta,
     8E in cuor me cazza, oh Dio! la gran stocada;

Cussì finzendo placida bonazza
     El mar cordona i curti barcarioi,
     11E nei scogi la barca po el ghe strazza.

Scampè da Amor, no credè ai scherzi soi,
     E in mi spechiève, zoventù matazza,
     14Che co' manco el credea go dà nei chioi.