Chi vuol goder un nobile solazzo
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Chi vuol godere un Mondo allegro, e bello | Edission e fonte ▼ | Ghè a Venezia un'allegrìa → |
Chi vuol goder un nobile solazzo
Vada in piazza la sera a spassizzar,
Là se vede el gran Mondo messo in chiazzo,
4El lusso, e la lussuria tripudiar.
Là i Omeni, e le Donne tutte a mazzo,
Chi stà in pìe, chi sentai, chi a caminar,
Chi beve el so Caffè, chi robba in giazzo,
8Chi a tutte quante el naso ghè vuol dar.
Chi vuol saver chi è questa, e chi xe quella,
Chi xe el so Cavalier, e chi 'l so amante,
11Chi varda se l'è goffa, o se l'è snella.
Ghe manca un ben in ste delizie tante,
E la scena sarave assae più bella,
14Se chiavar se podesse tutte quante.