Ghè a Venezia un'allegrìa
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Chi vuol goder un nobile solazzo | Edission e fonte ▼ | In sta Città quel, che me dà solazzo → |
Ghè a Venezia un'allegrìa,
E ghè un far cussì giocondo,
Che no credo, che ghe sìa
4Altrettanto in tutto 'l Mondo.
Ghe xe mille morbidezze,
Ghè maniere dolci, e tenere,
E alle tante gran bellezze
8La Città la par de Venere.
No ghè più, come una volta
Quella gran rusticità,
In ancuò tutte ve ascolta,
12Da per tutto ancuò se và.
No ghè più quel gran ritiro
Delle Donne maridae
In ancuò tutte và in ziro
16Notte, e dì per la Cittae.
Le và sole coll'amigo,
E in ancuò no ghe và drio;
Come fava al tempo antigo
20Quel cogion de so Marìo.
Se và ancuò liberamente
A trovarle fina in letto,
E el Marìo o nol sà gnente,
24O se 'l sà, lù vive quieto.
Tutte gà una gran pretesa
De portar un bel concier;
E pulite fina in Chiesa
28Ella và col Cavalier.
Una volta in le botteghe
No ghe andava Zentildone;
Ma ghe andava solo sbreghe
32Colle so gran buzarone.
In ancuò và Cittadine,
Và Mercanti, e và le Dame,
E le povere sgualdrine
36Tutte quante muor da fame.
Per andar la sera in piazza
Le vien vìa da casa soa,
E ghè Donne d'ogni razza,
40Che menando và la coa.
Con un'aria, e con un brìo
Le camina sul liston,
Che de darghe, sì per Dìo;
44Le fà voggia un pizzegon.
Veramente sto paese
Xe più assae nobilità;
Tutti veste alla francese,
48Tutti magna quel, che i gà.
Ghe xe in summa un gran corteggio;
Ghe xe cento mille inviti;
Che no sò cosa de meggio
52Far podesse i Sibariti.
In tripudj, zioghi, e canti
Se stà sù le notti intiere,
E in sto tempo dai so amanti
56Se fà fotter le massere.
El gran lusso, e la gran moda
De sti tanti bei Casini,
Fà, che tutti quanti goda,
60E che i spenda dei Zecchini.
Più, che 'l soldo quà, e là zira,
La Città più se fà bella,
Ma l'è el vizio quel, che tira
64Fora i bezzi de scarsella.
Tutti i Artisti allora quando
No ghe fusse gnessun vizio,
I starìa tutti de bando,
68E i anderave in precipizio.
Se la gola, e i dolci amori
No ghe fusse, e l'ambizion,
Come sassi i gran tesori
72I starave in t'un canton.
El mal xe, che in sta Cittae
Ghe xe puoche puttanelle,
Ma le Donne maridae
76Le supplisce ancuò per elle.
La puttana de mestier
Xe una robba remenada,
Ma dei altri la muggier
80Xe una Cazza reservada.
L'è altro gusto l'andar drento
Dove, che no ghe và tanti,
Sparagnar un scolamento,
84E no dar fuora contanti.
Aver senza mantegnir
Una Donna sempre drìo,
E a quei fioi, che puol vegnir,
88Che ghe pensa so Marìo.
Aver palchi, aver casin,
Andar fuora anca con ella;
E saziar el so morbin
92Del Marìo colla scarsella.
Quel, che stimo, che ogni tanto,
Co i xe stuffi, i se destacca,
E i ghe fà el so bell'impianto;
96E co un'altra pò i se tacca;
E con quella i fà l'istesso,
I la serve notte, e zorno,
Co i se giazza a starghe appresso;
100I se scalda a un altro forno.
Ma fà ben sti gran scambietti,
Cussì a tutti ghe ne tocca,
E se puol co sti confetti
104Raddolcir più d'una bocca.
Ghè pò tante virtuose,
E de musica, e de ballo,
Cavalline spiritose
108Da montarghe sù a cavallo.
Per quel so bell'esercizio;
E a quel far cussì grazioso,
Mi me par, che quel servizio,
112El deventa più gustoso.
El mal xe, che la virtù
Le fà star sul so decoro;
E perchè le se tien sù;
116Le ve costa pò un tesoro;
E un pericolo ghe xè,
Se la Donna è bella, e brava,
Che con ella vù spendè,
120E che i altri ve la chiava;
E se puol de più anca dar,
Che la xe pò cosa amara,
Una musica incontrar,
124Che ve brusa la capara.
Cantatrici, e Ballerine
Queste ancuò fa un gran schiamazzo,
Queste quà xe le Regine,
128Che trionfa sora el Cazzo.
Veramente le xe Done,
Che sull'Omo hà gran possesso,
Le gà un far da buzarone,
132E le xe l'onor del sesso.
Le gà un vezzo, che innamora,
No le gà gnente de rotto,
Se le xe nette de sora,
136Le xe nette più de sotto.
Un gran gusto a far con queste,
Mi per mi gò zà deciso,
Che, se no fusse la peste,
140L'è un chiavar da Paradiso.
Oh! Che vita deliziosa,
Oh! Che amabile contento
A sentir 'na virtuosa,
144Che ve canta a tiorlo drento,
Come pur a dirla schietta
El xe un gusto molto bello
A sentir la so diletta
148A ballar sotto l'osello;
Ma per altro assae godibile
Xe la so conversazion,
Se la Donna è pò fottibile
152No ghe xe comparazion.
No sò cosa sia la Franza,
Cosa i fazza in Allemagna,
De chiavar a crepa panza
156Sò, che quà xe la cuccagna.
Me stupisso, che ne vogna
Forestieri in quantità,
Perchè quà chi no xe tegna
160Se la gode, come và.
Una volta i se partiva
Da contrae assae lontane;
E a Venezia pò i vegniva
164Per un poco de puttane.
Finalmente no ghe giera,
Come ancuò sta libertà,
Bisognava in quella sfera,
168Che i zirasse sempre là.
In ancuò quando i sà far,
E che i gabbia un poco d'arte;
Ogni sfera i puol zirar,
172E de Venere, e de Marte.
Viva donca sta Città,
Che xe 'l centro dei piaseri;
Che assae gode chi stà quà,
176E anca gode i Forestieri.