Co penso al Pittagorico argomento
Co penso al Pittagorico argomento
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← D'opinion mi sarave francamente | Edission e fonte ▼ | El morir no me dà pena → |
TRASMIGRAZION PIACEVOLE ALL'AUTOR.
SONETTO
Co penso al Pittagorico argomento,
Che da 'na cosa in l'altra passerò,
E che qual cosa sempre mi sarò,
4El morir no me dà gnessun tormento;
Perchè pò spero andar in tel formento,
E fatto in pan in bocca mi anderò
De qualche Donna, e fuora vegnirò
8Per el so Culo con mio gran contento;
Spero pò andar in uva, e dopo in vin,
E bevendome qualche bel musetto
11Fuora mi vegnirò dal so Monin;
Ma quel, che me puol dar più assae diletto,
Ch'un dì ridotto in late pegorin
14Per via d'un servizial vaga in Culetto.