El morir no me dà pena
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Co penso al Pittagorico argomento | Edission e fonte ▼ | Cosa sia l'Omo, e cosa 'l fazza quà → |
El morir no me dà pena,
Perchè penso de restar
In qualcosa, e un'altra scena
4A sto Mondo aver da far.
Penso andar dall'elemento
Della terra a quel del fuogo,
Dopo in acqua, e fatto vento
8De cazzarme in ogni liogo.
Me lusingo d'andar suso
Per le gambe della Dona,
E tegnirghe fresco 'l buso
12Sè del Cul, che della Mona.
Fatto in terra da boccali,
Ma de quella bianca, e slissa,
Spero andar in quei orinali,
16Dove, che le belle pissa;
Spero in fuogo pò ridotto,
Che me metta qualche Puta
Alle Cottole de sotto
20Per tegnir la Mona suta.
Gaverò pò un gusto matto,
Ch'una Donna franca, e brava,
Quando in acqua sarò fatto,
24Che la Mona la se lava.
Spero nascer pò in t'un fior,
Che ste Donne graziosette
Per sentir quel bon odor
28Le me metta frà le Tette.
Posso un zorno andar in lin,
E dal lin passar in tela,
O sia renso soprafin
32Per camisa a qualche bela;
Sento adesso un gran diletto
A pensar co sta camisa,
Che gà addosso un bel musetto,
36La se forba la Marfisa,
De redurme pò in pezzetta
Gò speranza, e ch'ogni mese
Qualche bella se la metta
40Dove, che la gà 'l Marchese.
De galletta spero in sea
De passar pò in calza fina,
E cussì, che me ricrea
44Sù 'na bella gambolina;
De sta seda alla gran moda
Vegna fatto dei merletti,
E in sta forma me la goda
48Destirà sù do bei petti.
In t'un tagio de braghesse
Penso andar de seda flossa,
Ch'una pò se le mettesse
52Per tegnir calda la cossa.
Una Ventola chi sà,
Che no vada deventando,
E una Dama per Città
56La me vaga vìa menando.
Con la parte spiritosa
Anderò in t'un cagnoletto,
E 'na Donna morbinosa,
60Che me tegna spesso in letto.
Me la godo a fegurarme,
Ch'una in letto me tegnisse;
Perchè mi vorria cazzarme,
64Dove 'l pan la digerisse,
Anca a costo de gran botte
Mi davanti gh'anderìa,
E con gusto tutta notte
68Mi liccarghela vorrìa.
Andar dopo in t'un Osello
Se puol dar, che mi me tocca,
E che qualche muso bello
72El pignol me dasse in bocca,
E che in man la me chiappasse
Co 'na grazia, ch'innamora,
E d'andar, che la m'usasse,
76Della Cheba drento, e fuora.
In tel corpo d'una Dona
Quando penso andar un dì,
E che gaverò la Mona
80Mi gò un gusto, che mai pì,
Per sentir, s'è diferente
Della Donna 'l godimento,
E chi assae più gusto sente,
84S'ella a tiorlo, o mi andar drento.
Ah! Se in Donna mi rinasso,
E in t'un muso, che sia bello,
Voggio al Mondo tiorme spasso,
88Col provar più d'un Osello!
Anca se no la me tira
Voggio andar de quà, e de là,
E la Mona a chi sospira
92Voggio dar per carità.
No sarò cussì smorfiosa,
Come, che xe qualcheduna,
Che par fazza la gran cosa,
96Co la dà la Mezzaluna.
Voggio tiorme ogni solazzo,
E voi farlo con prudenza,
Ma trattandose de Cazzo
100Sarò larga de conscienza.
Pò me vago consolando
In t'un Omo de passar,
In t'un Omo forte, e grando;
104Fatto a posta per chiavar,
In t'un corpo assae ben fatto,
Che no gabbia gnessun mal,
Ch'i cogioni sia da gatto,
108E sia d'Aseno 'l Cotal.
Ah! Che, quando me feguro
Co sta mia trasmigrazion
De tornar col Cazzo duro,
112Gò 'na gran consolazion.
Tanto, che, co penso ben,
Che chiavar mi possa ancora,
E chiavar, come convien,
116De morir no vedo l'ora.