Co te strenzo la manina

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Giuseppe D'Alpaos ― Svoladine e refoli

Co te strenzo la manina

1895

Edission original:	Giuseppe D'Alpaos, Svoladine e refoli, Venezia, Fratelli Visentini, 1897
Fonte:	Indice:D'Alpaos - Svoladine e refoli, Venezia, Visentini, 1897.pdf

← No!... Gnancora no xe ora

Edission e fonte ▼

No farte pregar →

[p. 74 modifica]

CO TE STRENZO LA MANINA ¹

Quando sento la to vose,
Co te vedo sul balcon...
Vorìa dirte tante cose
Ma, sior sì, che no so bon!

Co ti parli no rispondo
E me trema el coresin...,
Qualche volta me confondo
E devento un fantolin!

                    Co te strenzo la manina,
                    Co te go viçin de mi...,
                    Sastu dirme, berechina,
                    Se so timido cussì?...

[p. 75 modifica]

Se stassera so indiscreto,
Bionda mia, no te lagnar!...
Colpa xe del to viseto
Fato a posta per pecar!

Se te par che 'l mio contegno
Possa ofenderte un tantin...,
Metarò la testa a segno
Replicando pian, pianin:

Co te strenzo la manina,
Co te go viçin de mi...,
Sastu dirme, berechina,
Se so timido cussì?...

Note

↑ Musicata dal maestro G. Carnelli di Gradisca (Austria), accolta e premiata con Medaglia di bronzo al 1° Concorso bandito pel 1895 dalla Filarmonica Società Giuseppe Verdi di Venezia. Anche il maestro Lorenzo Freilich di Vittorio, la musicò e fu cantata al teatro Malibran la sera del 19 Luglio 1895.

[1] Musicata dal maestro G. Carnelli di Gradisca (Austria), accolta e premiata con Medaglia di bronzo al 1° Concorso bandito pel 1895 dalla Filarmonica Società Giuseppe Verdi di Venezia. Anche il maestro Lorenzo Freilich di Vittorio, la musicò e fu cantata al teatro Malibran la sera del 19 Luglio 1895.

1