No!... Gnancora no xe ora

by Giuseppe D'Alpaos

3 No!... Gnancora no xe ora Svoladine e refoli Sior cosso..., no posso! Co te strenzo la manina Giuseppe D'Alpaos 1896 XIX Canzonete

Indice:D'Alpaos - Svoladine e refoli, Venezia, Visentini, 1897.pdf

Giuseppe D'Alpaos ―  Svoladine e refoli

No!... Gnancora no xe ora

1896

Edission original:	Giuseppe D'Alpaos, Svoladine e refoli, Venezia, Fratelli Visentini, 1897
Fonte:	Indice:D'Alpaos - Svoladine e refoli, Venezia, Visentini, 1897.pdf

←  Sior cosso..., no posso!

Edission e fonte ▼

Co te strenzo la manina  →

NO!... GNANCORA NO XE ORA ¹

Co i to biondi rizzi d'oro
Co 'l to cuor inamorà...,
Gegia mia, ti xe un tesoro
De belezza e de bontà!

Cussì bela e cussì bona...
Son feliçe del to ben...
E co ti, mia cocolona,
No me so tegnir in frèn!..,

          Ma se ris'cio de tocarte,
          De sfiorarte
          Quel bochin;
          Se me slanzo per ciaparte,
          Per donarte
          Un mazzetin,

          Sospirando,
          Palpitando...
          Ti me disi co rossor:
          ― No!... Gnancora
          No xe ora
          De dar basi... per un fior!... ―

Perchè basi, scherzi e fiori,
Co se xe da maridar,
I xe i pezo traditori
Che se possa imaginar!...

E le pute de bon sesto
No le ga forse rason
Se, disendo: ― Tropo presto! ―
Le ve dà la so lezion?...

          Ahi!... No posso più tocarte,
          Nè sfiorarte
          Quel bochin;
          Nè slanzarme per ciaparte,
          Per donarte
          El mazzetin...,
          Chè, tremando,
          Sospirando,
          Ti me disi co rossor:
          ― No!.. Gnancora
          No xe ora
          De dar basi... per un fior! ―

---

Note

1. Questa poesia fu onorata del Primo Premio (Medaglia d'argento dorato) al 2° Concorso poetico-musicale dalla Filarmonica Società Giuseppe Verdi bandito pel 1896 in occasione della tradizionale Festa popolare veneziana del Redentor.