Come co' sbalza fuora erbe e fioreti

by Gian Giacomo Mazzolà

3 XLII I cavei de Nina XLI XLIII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XLII

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XLI

Edission e fonte ▼

XLIII  →

XLII

Come co' sbalza fuora erbe e fioreti,
     E à dà liogo l'inverno ingretolìo,
     I osei se vede, sbandonà el so nio,
     4Saltando alegri andar per i rameti,

Scampà da Cipro un chiapo de Amoreti
     Per i Cavei de Nina (che per sbrio
     Oro i parea quel dì nome forbìo)
     8Scherzar go visto e far mile zogheti.

Quel va, quel vien, dei rizzi fra le grespe
     Quei se incatigia, quei se colga e sconde;
     11Questi ghe svola a torno come brespe,

Chi canta, chi smatiza e fa cavriole;
     A ste scene, a ste viste, a ste baraonde
     14Oh Dio che 'l cuor me andava in bruo de viole.