Quel Cesare che tanto s'à destinto

by Gian Giacomo Mazzolà

3 XLI I cavei de Nina XL XLII Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XLI

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XL

Edission e fonte ▼

XLII  →

XLI

Quel Cesare che tanto s'à destinto
     Coi so trionfi e i scriti soi felici,
     Ma po da Bruto crudelmente estinto;
     4Fato spechio dei Prencipi infelici;

Per dar le niove a Roma, ma in sucinto,
     D'aver fato zornada coi nemici,
     E spiegar quanto presto el gavea vinto;
     8Cussì el ga scrito: veni, vidi, vici.

Poco sù, poco zo cussì anca mi
     A sto ogeto, e a sto fin a quei respondo,
     11Che vol saver, come m'ò perso in ti.

Veni in zardin per me fatalità;
     Vidi una Coa che 'l Sol xe manco biondo;
     14Ma muo el Vici, che vinto son restà.