Go sentìo dir che 'l Spirito Foleto

by Gian Giacomo Mazzolà

3 XL I cavei de Nina XXXIX XLI Gian Giacomo Mazzolà 1785 XVIII

soneti

Gian Giacomo Mazzolà ―  I cavei de Nina

XL

1785

Edission original:	Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 4.djvu

←  XXXIX

Edission e fonte ▼

XLI  →

XL

Go sentìo dir che 'l Spirito Foleto
     Per el più se inamora dei Cavei,
     E che 'l va in cerca dei più longhi e bei,
     4Mosso da un certo natural deleto;

E che 'l ghe chiapa un cussì mato afeto,
     E che talmente 'l se incatigia in quei,
     Che no val tante volte l'Agnusdei
     8A cazzarghelo via quel maledeto.

Mi somegio a colù tanto in natura,
     Che d'esser un Foleto in carne umana,
     11Per dia, che squasi squasi go paura.

Anca mi in dei Cavei son morto e spanto,
     E gnanca a mi, per far che me slontana,
     14Gnente à mai valso, e pur go fato tanto!