Con tutto quel poder, e quel schiamazzo

by Giorgio Baffo

3 Con tutto quel poder, e quel schiamazzo Raccolta universale delle opere di Giorgio Baffo Tomo III Hò fatto col mio Cazzo 'na scrittura Mio Perini, se vedè Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Con tutto quel poder, e quel schiamazzo

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Hò fatto col mio Cazzo 'na scrittura

Edission e fonte ▼

Mio Perini, se vedè  →

LA MENTE DIPENDE DAL CAZZO.

SONETTO

Con tutto quel poder, e quel schiamazzo,
    Che fà sora del corpo la mia mente,
    Vedo, che no la xe bona da gnente,
    4Co se tratta de mover el mio Cazzo.

Ella me move el piè, la man, el brazzo,
    Da un liogo all'altro la me porta arrente,
    Eppur, siben la xe sto gran movente,
    8El mio Osel sarà sempre un visdecazzo.

Fazzo all'opposto un'altra rifflession,
    Che quando'l Cazzo suso alza la testa,
    11La mente no puol farghe opposizion.

Donca del Cazzo dipendente è questa,
    Che no la 'l drezza, co l'è a piccolon,
    14Nè la 'l sbassa, co l'alza sù la testa.