Contratando 'na terina

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Contratando 'na terina
1911

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

←  El moleta Edission e fonte ▼ Cusina da cristiani  →
[p. 13 modifica]
Contratando 'na terina


     — Cosa me tol-lo,1 sior, de sta terina?
— La me darà... quaranta schei, la senta
che cioco che la g'à, che roba fina!
4— Vergine benedeta, el me spaventa!

     l'è sensa cape e po l'è picinina...
poche parole, sior, de vol-lo trenta?
— Alora stago fresco stamatina...
8no cavo fora gnanca la polenta!

     — Ghe dago trenta bessi... e un'altra ociada,
che de le volte no la sia crepada...2
11— Faremo trentasinque, la sia bona!3

     — Tre palancone e gnanca un scheo de più..
— Così, mi no ghe dago 'na madona...
14— Mi g'ò piaser che 'l se la tègna lu!




Note
  1. cosa me tol-lo: quanto mi prende
  2. crepada: rotta
  3. la sia bona: sia ragionevole.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Contratando_%27na_terina&oldid=52363"