EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

Edission e fonte ▼ Contratando 'na terina  →
[p. 7 modifica]
Nel cor de Verona


[p. 9 modifica]
El moleta 1


     Piegado2 soto al tempo che ghe pesa,
ma giutà3 da i miracoli del siel;
davanti a quela brigola destesa,
4de forbese, de lame da cortel;

     davanti a do tre rude e un bussoloto,
e a i quatro legni de la so botega,
co la testa sbassà come un devoto,
8come un poro cristian che in cesa el prega;

[p. 10 modifica]


     con quatro peli in testa par bareta
e sempre atento a consumar cortei,
vardè done, corì, ciapè el moleta,
12che 'l ve gussa4 un cortel par sinque schei!

     Par sinque bessi5 e guai a la madona
se qualcheduna ghe ne da de più!
andèghe ancò che lo trovè de bona,
16par sete bessi el ve ne gussa du.

     Le rude6 vece, mal andade e storte,
le gira soto a i oci del paron,
e se anca piove o tira el vento forte,
20le vedì sempre in volta a sbrindolon;7

     a sbrindolon col solito vestito,
i è sempre stade rude e sempre quele
e le à impara el mestier così pulito,
24così ben, che le gira da par ele.

[p. 11 modifica]


     El bussoloto tuto scancanado,
el par quasi che 'l pensa e che 'l ve conta
le miserie che 'l vecio l'à passado,
28o qualche vecia magagneta sconta;8

     e da i ricordi el pianse, el se comove,
el serca de tegnerse, ma no 'l pol,
le lagrime le casca e le ghe piove,
32una su l'altra, proprio come un fiol!

     Ma 'l so moleta co la testa bassa,
l'è sempre atento a consumar cortei;
passa 'na dona che la vol che 'l fassa,
36'na fatura a un cortel par sinque schei;

     e quando in giro taca9 a farse sera,
che da le rude i oci el volta su,
el se nancorse, ma no 'l se dispera,
40che 'l bussoloto no 'l funsiona più.

[p. 12 modifica]


     Ma qualche volta come vol el caso,
in mancansa de l'acqua a metà strada,
con qualche gossa che ghe vien dal naso,
44el seguita gussar.... e che la vada!




Note
  1. el moleta: l'arrottino
  2. piegado: curvo
  3. giutà: aiutato
  4. gussa: affila
  5. bessi: centesimi
  6. rude: ruote
  7. a sbrindolon: a zonzo
  8. sconta: nascosta
  9. taca: principia
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_moleta&oldid=53068"