Cos'hà da far ste nostre Donne adesso

by Giorgio Baffo

3 Cos'hà da far ste nostre Donne adesso Raccolta universale delle opere di Giorgio Baffo Tomo III Certe finezze Dov'è quella Città cussì brillante Giorgio Baffo 1789 XVIII Poesie

Indice:Raccolta universale delle opere di Giorgio Baffo 3.djvu

Giorgio Baffo ―  Raccolta universale delle opere di Giorgio Baffo  ―  Tomo III

Cos'hà da far ste nostre Donne adesso

1789

Edission original:	Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789
Fonte:	Indice:Raccolta universale delle opere di Giorgio Baffo 3.djvu

←  Certe finezze

Edission e fonte ▼

Dov'è quella Città cussì brillante  →

PER ESSER PROIBIO I CASINI ALLE DONNE.

SONETTO

Cos'hà da far ste nostre Donne adesso,
    Che no le puol sentarse più per strada,
    Cosa, che fin ai cani ghè permesso;
    4E a qualunque canagia buzarada?

In t'i casini ghè negà l'ingresso,
    E la porta per elle xe serrada,
    In le botteghe no ghe xe più accesso,
    8Che la so nobiltà sarìa sporcada.

Come hale da passar tutte le sere?
    A Casa nò, ch'ormai xe troppo tardi,
    11No stà più a Casa gnanca le massere.

Dove mai puorle andar senza riguardi?
    A parlar schietto con le mie maniere,
    14Mi no ghe vedo altro, che i Stendardi.