EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Cose de sto mondo
1911

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

←  La me bionda Edission e fonte ▼ De sera  →
[p. 59 modifica]
Cose de sto mondo

Su l'album de la Signorina Rita Cuzzeri.


     Fora dal masso ò volù tor 'na rosa
che in fondo al gambo la g'aveva un spin;
e ò dito: L'è così anca me morosa
quando la g'à 'na ponta de morbin.
          5Morbin che ponse1 e che no dà fastidi
          se quel morbin te vien quando te ridi!

     Quel garofolo rosso che t'ò dado2
che a momenti de foie el resta sensa,
l'è istesso del me cor inamorado
10che a poco a poco el perde la passiensa.
          Passiensa che se perde e che se trova
          se ogni streta de cor la par più nova.

[p. 60 modifica]


     Drento in t'un vaso in fresca g'ò 'na viola,
e i ghe dise la viola del pensier;
15te l'è trovada ti su i monti, sola,
te ricorditu?... zo da quel sentier...
          Ma quela viola la me par rabiada
          parchè el pensier te l'è trovado in strada.

     Provo a cavar le foie de sta rama...
20me bate forte el cor che za no so...
una me ama, st'altra no me ama,
l'ultima foia la m'à dito: no!
          E co sto no ghe guardo in facia al mondo,
          parchè l'ò messo nel me calto in fondo!



Note
  1. ponse: punge
  2. dado: dato
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Cose_de_sto_mondo&oldid=52851"