EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
La me bionda
1911

 Edission original:   

Giovanni CeriottoPoesie veronesi, Seconda edizione accresciuta, Verona, Remigio Cabianca editore, 1911

 Fonte:

Indice:Poesie veronesi (Giovanni Ceriotto).djvu

←  Un baso Edission e fonte ▼ Cose de sto mondo  →
[p. 57 modifica]
La me bionda


     Son su la porta e speto;1 l'è matina;
passa la gente in pressia2 e l'è bon'ora;
se sente ancora l'aria fresca e fina;
passa de corsa e svelta qualche mora.
5Me sbalsa el cor come sbalsasse un'onda...
lassèla star, che passa la me bionda!

     Son su la porta e speto; l'è de sera;
gh'è poca gente in strada e su i cantoni
s'à apena desmissià tuti i lampioni.
10Vedo spontar in fondo un'ombra nera;
me tègno el cor parchè no 'l se confonda,
me taco a brasso e via co la me bionda!

[p. 58 modifica]


     Son sora l'erba e speto; l'è de festa;
gh'è 'l verde tempestà de margarite;
15me scapa via i pensieri da la testa,
me par che le me vada tute drite,
Vien vanti un cor 'na testolina tonda...
l'è 'l cor che vien, l'è 'l cor de la me bionda!



Note
  1. speto: attendo
  2. in pressia: in fretta
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_me_bionda&oldid=52856"