La me bionda
|
Edission original: |
Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911 |
|
Fonte: |
| ← Un baso | Edission e fonte ▼ | Cose de sto mondo → |
Son su la porta e speto;1 l'è matina;
passa la gente in pressia2 e l'è bon'ora;
se sente ancora l'aria fresca e fina;
passa de corsa e svelta qualche mora.
5Me sbalsa el cor come sbalsasse un'onda...
lassèla star, che passa la me bionda!
Son su la porta e speto; l'è de sera;
gh'è poca gente in strada e su i cantoni
s'à apena desmissià tuti i lampioni.
10Vedo spontar in fondo un'ombra nera;
me tègno el cor parchè no 'l se confonda,
me taco a brasso e via co la me bionda!
Son sora l'erba e speto; l'è de festa;
gh'è 'l verde tempestà de margarite;
15me scapa via i pensieri da la testa,
me par che le me vada tute drite,
Vien vanti un cor 'na testolina tonda...
l'è 'l cor che vien, l'è 'l cor de la me bionda!
- Note