Critica
|
Edission original: |
Umberto Spanio, Un toco de vita veneziana, Poesie in dialeto de Grilo, Venezia, Tipografia Antonelli, 1890 |
|
Fonte: |
Indice:Un toco de vita veneziana, Venezia, Antonelli, 1890.pdf |
| ← Apena molai da scuola | Edission e fonte ▼ | Mormorazion → |
Varda, se ti vol vedar, ciò, Rosina,
Varda che culo che la ga impontio! —
Oh bruta stomegosa capelina! —
Ciò, la vol che i ghe varda proprio adrio! —
Che i sia sui, ciò, quei peti? — La bustina
Col bombaso la xe! — Ah go capio! —
Che piume, che capelo al'assassina! —
Ciò, parla pian che la te ga sentio —
Cossa me importa a mi? Che strigossada! —
Se la va ben la ga le scarpe rote! —
La xe in te'l viso tuta piturada. —
Rosina, disi ti; ma xele fote?
Chi porla mai trovar quela squartada? —
Sì, ma forsi la gà 'na bona dote. –