Da un rustico Paese
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Son stà veder un zorno un bel Convento | Edission e fonte ▼ | In Cielo Marte, e Amor s'hà messo al ponto → |
Da un rustico Paese,
Dove mai no se fotte,
Scampada son de notte
4All'improviso.
Venezia è un Paradiso,
Dove sempre se sente
Criar tutta la zente,
8Vago in Mona.
Son anca mi 'na Dona,
Che prova un gran solazzo
A tior in Mona el Cazzo
12Con diletto
Che sìa pur benedetto
El dì, che son scampada,
Che quà sarò chiavada
16A tutte l'ore.
Chi no se gode amore,
Se puol dir co rason,
Che 'l sia un gran cogion,
20Una Noghera.
Tesifone, e Megera,
Siben le stà in tel fuogo,
Anca Elle trova liogo
24A tiorlo dentro.
In quell'oscuro centro,
Liogo de crudeltae,
Sin l'Aneme dannae
28Sempre se fotte.
No ve conto carotte,
Perchè m'è stà contà
Cose, che in verità
32No le credea,
Se Orfeo no me 'l disea,
Co 'l xe vegnù felice
Colla so Euridice
36Dall'Inferno.
Se Giove duro, e eterno
Hà gusto de sborar,
Vardè cosa hà da far
40Quei, che xe al Mondo!
No se puol dir giocondo
Quell'Omo, ch'abbandona
I gusti della Mona,
44E i so contenti.
Quante pene, e tormenti
Prova certe Puttelle
Per no gustar Capelle
48A piacimento.
I Dei del Firmamento
Se mena spesso 'l Cazzo,
E i hà gusto, e solazzo
52A andar in Mona;
Anzi, disea mia Nona,
Che per Danae chiavar
Giove s'hà bù a scambiar
56In piova d'oro;
E fatto un bianco Toro
Per la graziosa Europa
Tiolendosela in gropa
60Ghe 'l mette drento.
Vien pò quel momento
De trar l'ultimo peto,
Ch'a gnessuno starà dreto
64Più quel Cosso.
Ai zoveni el xe un osso,
E a quei, che'l se ghe china,
La xe 'na pellesina
68Mola, e fiappa.
Questa no xe 'na rappa,
Che diga a mi altre Done;
Feve fotter, cogione,
72Co sè vive.
Deh! Care, no stè prive
De cussì bel solazzo,
Tiolè un tocco de Cazzo,
76E no stè in ozio.
Questo xe un bel negozio,
Domandelo a chi 'l prova,
L'è un remedio, che giova
80Al mal de Mare.
Orsù, Donne mie care,
So, ch'averè cervello,
E che tiorè l'Osello
84A tutte l'ore.
Pluton, quel gran Signore,
No dà mai maggior pena
A quelle, che se mena
88La Pottiffa;
E per questo Meliffa
Se 'n morse da Donzella
Per no provar Capella
92De Cotal.
Al Baratro Infernal
Fu condannà a star priva,
Perchè no xela or viva,
96Come giera?
Oh quanto volintiera
Vorrave questo aver
Per goder quel mestier,
100Che hà da provar!
No cade altro parlar,
Che voggio alcune mìe
Belle galanterìe
104Mostrarve in prima
Portà da ignoto clima,
Dall'Indie, e dal Perù,
Che gà forza, e virtù
108De far portenti,
Sconvolger i Elementi,
L'ordene de Natura,
E far de chiara scura
112In ciel la Luna,
Fermar della Fortuna
La rioda sempre in moto,
Lachesi, Atropo, e Cloto
116Impietosir,
El coraggio avvilir
De chi vuol far da bulo,
E far tremar el Culo
120Al popolazzo.
Prima ve mostro 'l Cazzo,
Col qual el Dìo guerrier
Fotteva la Muggier
124Del Dìo Vulcan,
E questa xe la man
D'una Vecchia cogiona,
Che menava la Mona
128A 'na Putella,
E questa è la Capella
Del Cazzo d'un Zigante,
Che sempre xe stà amante
132Delle Done,
E queste xe do Mone,
Che hà frustà più Capelle,
Che'n Ciel no ghe xe Stelle,
136E in Mar Arena,
E questo d'una Nena
El xe prezioso late
Per onzer le Culate
140Alle Bardasse,
Questa è 'na veta d'asse,
Che hà fatto l'ingrespada
Alla Mona sbregada
144De Marfisa;
E questa è 'na camisa
Intenta de marchese,
Che sana 'l mal francese
148Alle Puttane.
La Potta de Rosane,
El Cul de Ganimede
Imbalsemai se vede
152In sta bozzetta.
Al son de sta trombetta
Le belle zovenotte
Le paga chi le fotte
156A peso d'oro.
Le piatole d'un Moro
Bardassa d'un Rabin
Conservo in sto borsin
160De pel de Mulo,
Che, messe attorno al Culo
De qualche bel ragazzo,
Le fà tirar el Cazzo
164Ai Buzaroni.
Sto Libro coi cartoni
Ligai co quattro nodi
Ve insegna in cento modi
168De chiavar;
Ve insegna 'l bel trattar,
Ch'usa un Cavalier,
Co l'è co so Muggier,
172Che 'l la destriga;
Questa xe l'erba ortiga,
Che Adon hà doperà,
Co a Venere hà grattà
176E Cul, e Potta.
De pisso de Marmotta
Miscià co sboraure,
Che serve per fatture
180Maledette,
Xe piene ste bozzette
De lucido cristallo,
Che dago per regallo,
184Co i m'hà chiavà.
Do Ceggie è queste quà
De quel forte Rinaldo,
Che hà fatto vegnir caldo
188A più de diese.
Un dì, ch'avea 'l marchese
La so diletta Armida,
La hà chiavà per disfida
192Sotto un Pero,
Quando, per dir el vero,
Nel scomenzar la lotta
Ghe giozzava la Potta
196Bella, e bona;
Perchè avea la Mona
Dalle Fade incantà,
Ghe xe restà pelà
200Barba, e cavei.
Questi xe do budei
D'un Puttin vegnù fuora
Dal Cul d'una Signora
204Sulla Secchia.
Questo xe un dente de Vecchia,
Ch'aveva sulle Chiappe
Cento, e cinquanta rappe
208Per apponto.
Questo quà xe quell'onto,
Che Madama Latona
Se onzeva la Mona,
212E 'l bus del Culo.
Questa è la Coa d'un Mulo,
Ch'usa le Donne Tosche
Per pararse le Mosche
216Dalla Pota.
Della Regina Iliota
Questo xe 'l Cagnoletto,
Che ghe liccava in letto
220La Felippa.
Quest'è del grand'Agrippa
Le do gran borse belle
Fatte fare de pelle
224De cogioni.
Questi xe do spadoni,
Che Marte con gran scorno
A Vulcan taggià hà un corno
228Co gran lena.
El sapiente Avicena,
Maestro in medicina,
Fotteva la Cugina
232Zorno, e notte.
Viva pur quei, che fotte,
E quei, che mai no sbora,
Mi prego 'l Ciel, che i mora
236All'improviso.
No se và in Paradiso,
Se prima con diletto
No se xe stai in letto
240Colla Siora;
E intanto, ch'Ella sbora,
Tegnirghe 'l Cazzo drento,
Che gusto, che contento
244Ch'Ella sente!
Se fotta allegramente,
Nè s'abbia mai spavento
D'Ulcere, Scolamento,
248E Porrifighi.
Chi vuol esser me amighi
Fotta fin, ch'i gà Cazzo,
Perchè mazor solazzo
252No ghe xe al Mondo;
Ma quei, che tende al Tondo,
Mi digo, ch'i xe sporchi,
Ch'i vive, come porchi
256Nella merda;
Che qualchedun se perda
In ste furfanterìe,
Le xe buzararìe,
260Che s'usa adesso.
Abbandonar quel sesso,
Dove semo nassui!
Porchi becchifottui,
264Oh che vergogna!
In Potta andar bisogna,
Mentre'l Ciel no perdona
A chi lassa la Mona
268Per el Cesto.
Solamente per questo
El Paron, ch'è de sora,
A Sodoma, e Gomora
272Hà mandà 'l fuogo.
Andemo drìo a sto ziogo,
Quando manco pensemo
Dal Cielo provaremo
276Gran castigo.
Mi son fuora d'intrigo,
Perchè, lodato 'l Cielo,
No tiogo in Cul l'Oselo,
280Ma in Cocchetta.
Siela pur benedetta!
Lassemo i Buzaroni,
Perchè vago ai balconi,
284Che fà notte;
E intanto no i me fotte,
E no strenzo l'Osello
Della Mona fradello
288Soo carnale.
Tiolè pur el Cotale,
Tiolelo zorno, e notte,
Co'l gà le do ballotte
292Al so comando.
Vardè, che 'l sìa ben grando,
Longo, descapellà,
Cussì nol xe peccà
296Ve l'asseguro.
Palpè, che 'l sìa ben duro,
Che 'l sìa presto a sborar,
E ben desbuzarar
300Feve, per Dìo.
Nol stè a tior da drìo,
Perchè Vulcan a Venere
Gà fatto vegnir tenere
304Le Culate,
E tutto sangue fate
L'è andà davanti a Giove
Per far veder le prove
308De quel Zotto.
La notte vien de trotto,
E 'l Mar, la Terra, e 'l Cielo
Coverze col so velo
312Umido, e brun.
Voggio trovar qualcun,
Che fin, che stago in letto,
Me fotta con diletto,
316E gusto assai,
E, se trà vù altri mai
Sto Cortesan se trova,
Che voggia far la prova
320Per morbin;
Che 'l vegna al mio Casin
Arrente alla Corona,
Che 'l troverà 'na Mona
324Tutta fuogo.
Mi parto da sto liogo;
Fè quel, che mi v'hò dito,
Con Cazzo grosso, e drito
328Feve impirar.
Oimè, che dolce star
Do corpi nudi in letto
A far senza rispetto
332Quel, che se vuol!
Toccar quanto se puol,
E Tette, e Cul, e Mona
Ad una bella Dona
336Xe un gran solazzo;
Pò darghe in man el Cazzo,
E far, che la se 'l frega
Ben ben della Bottega
340Intorno al Buso;
E pò cazzarlo suso
Ben drento della Potta,
E lassar ben, che 'l fotta
344In quel licchetto,
E goder quel diletto
Senza far altre Zanze
Infin, che le do panze
348Ben se tocca,
Darghe 'l lenguin in bocca,
Una man sotto la schena,
E far, che ben la mena
352El so Culetto,
Se tien el Culo stretto
Co tutte do le man,
Cussì bel bel, pian pian
356Se và ziogando;
E pò de quando in quando
Se supega 'l lavretto,
E se ghe dà un basetto
360In sulla bocca:
Sporzime quà la cocca,
Se dise dal contento,
Damelo tutto drento,
364Ella risponde.
Oh spente alme, gioconde,
Oh gusto soprafin,
Ch'andar fà 'l coresin
368Tutto in bruetto!
E far, che quel Caetto
De gusto se sfadiga
A tior drento in la Figa
372Anca i cogioni;
Ma, perchè no i xe boni
De far un tal effetto,
Questi co gran respetto
376I stà de fuora.
Ogni momento è ora,
Quando la Mona sbruffa,
De far qualche baruffa
380Coi fottini.
Poveri Pellegrini
Per no poder entrar,
A elli convien restar
384Fuor della porta;
Ma questo non importa,
Siben no i puol entrar,
Che zà per ben chiavar
388Basta l'Oselo.
Un Monin senza pelo,
Ch'empissa ben la mano,
Se spendarave un ano
392Per chiavarlo.
Felice chi puol farlo,
Sborar con contentezza
Xe la maggior dolcezza,
396Che sìa al Mondo.
Poder toccarghe 'l Tondo,
Più oltre no passar,
Ch'altro no dovè far
400Co le sfondrone.
Ste brutte buzarone,
Perchè piene de peste,
Ulceri, Porri, Creste,
404E altri mali;
Ghe vorrìa a ste tali,
Per far poca rovina,
Pegola, e trementina,
408E darghe fuogo.
Oh! Che bel gusto, e ziogo
Veder ste gran Porcone
Redutte in t'un cantone
412A brusar tutte;
Ma nò però le Putte,
Nemmeno le Donzelle,
Che quelle xe Citelle,
416Che dà gusto;
Le gà un Monin sì giusto,
Sì stretta la Natura,
Ch'ogni picol Creatura
420Gioisce, e gode;
E no badè alla lode
D'un Sodomita infame,
Che dise a saziar fame
424Basta un Culo.
Quest'è quel bel trastulo,
Ch'usar solea Plutone,
Che lassava le Mone
428Per un Tondo.
Lo diga tutto 'l Mondo,
Se la xe cosa impura
A usar contro Natura,
432E tiorse spazzo.
A quei, che sto solazzo
Ghe piase, e simil voglia,
El pan, e 'l vin se toglia
436Infin, che muora.
Voi dirve infin ancora,
Che a chi no piase Mona,
Xe razza buzarona,
440Un maledetto.
Per quanto hò visto, e letto,
E che hò studià, e pensà,
Un gusto no hò trovà
444Più bel de questo.
Infin mi ve prottesto,
Che a fronte d'un bel viso
Gò in Culo 'l Paradiso,
448E quà ve lasso.