Son stà veder un zorno un bel Convento
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo III, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 3.djvu |
| ← Una Donna no ghè, che più me piasa | Edission e fonte ▼ | Da un rustico Paese → |
Son stà veder un zorno un bel Convento,
Per voggia, che gavea de farme Frate,
E in fatti con maniera el Padre Abate
4M'hà dito, caro figlio, vieni drento.
Mi allora m'hò trovà tutto contento,
Maggiormente, co hò visto, ch'i combate,
E che sti Frati rompe le culate
8Ai novelli Fratini in t'un momento.
Spenzeva el Padre Abate a rompicollo
El Cazzo drento, e per mazor trastulo
11Prima in Culo a un Novizzo 'l lo metteva,
E co 'l se lo sentiva tutto mollo,
Al so Converso tutto quanto in Culo
El Cazzo coi cogioni el ghe metteva.
15Sti Frati se vedeva
Andar de quà de là per el Convento
Cercando i Culi per sborarghe drento;
18I giera più de cento,
Che faceva ogni zomo sta funzion,
Siben, ch'i giera sempre in orazion
21Ghe giera frà Buson
El Culo più famoso trà sti Frati,
Che tioleva in tel Cul Cazzi spietati;
24I deventava mati,
S'i stava un zorno senza buzarar.
Anca mi le culate de slargar
27I hà dito de provar;
Una sera m'hà dito el Provincial,
Vorrave, che tiolessi 'l mio cotal;
30Co nol fà troppo mal
La s'avvisina pur conforme è l'uso,
E la mel para tutto quanto suso;
33Ma mentre, che l'è al buso,
Sento, che 'l se tioleva un gran trastulo
Per voggia de ficcar el Cazzo in Culo.
36Gò dito, fiol d'un mulo,
Lo chiapo per le gambe, e 'l và per tera;
Allora sì, che 'l Cul ghe slarga, e sera,
39Mi addosso zà ghe giera;
No te mover ghe digo, poffardìo,
Ch'in vece a ti tel metterò da drìo.
42No far, nò, caro fìo,
Me diseva 'l Fraton, che do culate
Grasse, e tonde 'l gaveva, e tanto fate;
45Ma caro Padre Abate,
Abbiè pacienza, giusto in sto momento
Tutto 'l Cazzo in tel Cul v'hò messo drento
48Con tanto gran contento
A sto Frate gò dà 'na buzarada,
E dal Convento pò me l'hò moccada.