Dialogo fra Nane, e Clementina
|
Edission original: |
Pietro Buratti, Poesie e satire di Pietro Buratti veneziano, corredato di note preliminari ed annotazioni scritte dallo stesso autore, Amsterdam, J. Loocke, e figlio, 1823 |
|
Fonte: |
| ← Avvertimenti ad Ippofilo Larisco | Edission e fonte ▼ | L'Omo → |
Dialogo fra Nane e Clementina, uno di sei anni, e l'altra di quattro, allusivo alla Festa del Santissimo Natale.
Nane fa il Maestro a Clementina, intanto che questa si occupa di unire un mazzetto di fiori da regalare a sua madre.
Co sto can borineto
Che ne giazza le buele
Chi à calà zo da le stele
Per l'amor che el gà per nù? —
Un bambin chiamà Gesù.
Fio de chi?
Mo dame tempo,
So intrigada con quel terno. —
Zuca via... del Padre eterno. —
Me recordo sì ch'el và
In capel sempre pontà. —
Che matezzi! xe i pitori
Che ghe zonta quel capelo,
Come scherzo del penelo
Xè cambiar l'amor divin
In un puro colombini.
Quanti secoli xè adesso
Che à chiapà l'omo sto loto?
Oto. —
Sempia! nò disdoto
No ghe vol un gran talento,
Mile prima e pò otocento. —
Varda Nane che bei fiori!
Che mazzeto per la mama!
El xe degno d'una dama.
Mile prima e pò otocento...
No ti pol per un momento? —
Sì te ascolto (o che secada! — (tra sè)
Dime el nome del vechieto
Che in presepio quieto quieto
Puza el muso sul baston.
L'è Giusepe Marangon.
E la povera doneta
Che revolta in pani strazzi
Ghe fà cuna dei so brazzi
A quel caro fantolin? —
La xè mare del bambin
Maria Vergine Santissima.
Và benon, cussì me godo
Che ti pensi un poco al sodo. —
(in aria distrata)
Ma quel bò quel asenelo
Xei venudi zò dal cielo?
Mo te par? i gera in tera
E i xè corsi a la capana
Per scaldarghe un fià la nana
A Gesù co l'à zigà
Nato apena oà oà.
De quei bò, dei quei somari,
Servizievoli de fondo
No ghe n'è più adesso al mondo
No xè vero Nane mio? —
L'à permesso alora un Dio
E un miracolo l'è stà
Per mostrar a tuti i gnochi
Che confuso coi pitochi,
No podeva certo andar
Chi comanda al cielo e al mar.
E per questo el so corpeto
Gera tanto lusariol
Che levà credendo el sol
I pastori a calze mole
Xe restai senza parole.
O che vogia de presepio
Che me sento Nane caro!
Quel manzeto... quel somaro....
Quele piegore....
(impazientandose)
Mo ascolta
Bada al serio sta racolta.
I anzoleti drento e fora
Su chitare tute d'oro
Gloria a lù, cantava in coro,
Che no xe a nessun secondo,
Al Paron de tuto el mondo.
Rè de polvere umilieve!
No tra i vostri palazzoni
Ma tra el fumo dei casoni (con trasporto)
Va batendo le brochete
Chi gà in pugno le saete. —
Ti te scaldi, zestu mato (guardandolo)
Mi no credo che i oseleti....
I oseleti nò, i anzoleti...
Quei putini, picinini
I xè tanto cantarini?
O finimola, rifleti
Che a l'esempio di quel cuor
Che à mostrà per nù el Signor (serio)
Deve el nostro con più afeto
Adorar quel caro ambeto,
Che ti vedi sentà là,
Vogio dir mama e papà
Che del cuor più sfegatà
Xe in regata tuti dò,
Ne chi vinza dir no sò. —
Si coremo presto presto (core avanti)
Prima nu.
Nò prima a mì
Son più grando insegno a ti
Co sti fiori in man coremo
Papà e mama strucolemo.
(dividono i fiori)