Doman xe za quaresima

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 58 modifica]


Doman xe za quaresima


     Mula te vien, me sbisiga
El corisin in sen,
Ala, al veglion smachemose,
Che el tacuin xe pien,
Cola calada e el pindolo,
In bala su in casson,
Camina, negra, in mascara,
Xe l’ultimo veglion.

                    Doman xe za quaresima,
               Magro doman se magna,
               Camina, dai, godemola
               Sta ultima cucagna,
               Doman, fia mia, le zeneri
               Ricorda esser mortal,
               E a San Giovanni el popolo
               El brusa Carneval.

     Sonà xe za le undise
No sta chilarte, dai,
Pensa le „danze fervono”,
Cussì dixi i giornai,

[p. 59 modifica]

Meti un linziol sull’abito
Su, fame sto piazer,
Che mi in tun bater d’ocio
Me vesto de guargier.

                    Doman xe za quaresima, ecc.

E finchè semo giovini
E che ne spiza i piedi,
Moreta mia blangemose,
Mi balo za, te vedi,
In leto che se cocoli
I veci e i disperai,
Mula go el taco carigo
Come no go vu mai.

                    Doman xe za quaresima, ecc.








Musica del maestro Bruno Guisa.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Doman_xe_za_quaresima&oldid=69364"