El cambiamento d'idea
|
Edission original: |
Jacopo Vincenzo Foscarini, Per le nozze Medin-Maniago, Versi in dialetto veneziano, Venezia, dalla tipografia di G.B. Merlo, 1839 |
|
Fonte: |
| ← La Nina | Edission e fonte ▼ | El passegio → |
EL CAMBIAMENTO D'IDEA
Tute me va disendo
Maridete, Carleto,
Se ti vol star caldeto
Co fredo vegnerà.
Ma mi rispondo a tuti
Che no patisso fredo,
E che el mario lo credo
Un omo minchìonà.
Se vedo po Betina,
Me par che un fià de caldo
Me renderia più saldo
E più de bon umor.
E alora idea cambiando,
Digo che me marido,
Che de un calor me fido
Che cocola el mio cuor.