El codice d'un omo de spirito

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 90 modifica]
EL CODICE D'UN OMO DE SPIRITO


     Ridendo sempre e no badando a gnente,
Remenarse qua e là matina e sera;
Aver de fumo piena la caldiera
E fra i gonzi passar per brava zente:
     Divertirse e fragiar alegramente,
El manego butar drio la manera,
Slanzarse de galopo e de cariera
Nel circolo più sporco e spuzzolente.
     Lussi, done, cavai, teatri e bali;
Stravacarse e dormir tranquilamente
Sora un leto de conti e de cambiali,
     Su i gran bigliardi vadagnarse i cali;
Bater la carta e sconder bravamente
L'ongia del ladro soto i guanti zali.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_codice_d%27un_omo_de_spirito&oldid=71266"