El matrimonio disgrazià
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
Me scampa la pazienza,
No se pol esser santi,
Se tiro un poco avanti
Finisco col s'ciopar.1
Sta baba2 dispetosa
Xe sempre in tuna guera,
La pesca soto tera
Ragion per tarocar.3
A cavarmela ala svelta
Chi me insegna in carità?
Tuto l'oro che xe al mondo
Per godèr la libertà!
Za prima che spuntasse
1 denti del giudizio
Son corso al precipizio,
Me son incadenà.
Volevo far el furbo,
Drizzarme un fià le coste;4
I conti senza l'oste
Go fato. Ben me stà.
A cavarmela ala svelta
Chi me insegna in carità?
Tuto l'oro che xe al mondo
Per godèr la libertà!
Coi fioi,5 go mile intrighi,
Per sparagnar6 parole
Li tegno nele scole
A forza de sudor.
A nozze contro genio
Ghe manca el fondamento,
Ghe vol per condimento
La droga de l'amor.
A cavarmela ala svelta
Chi me insegna in carità?
Tuto l'oro che xe al mondo
Per godèr la libertà!
Anche di questa canzonetta, che fu musicata dalla signorina Angelina Chiesa, è evidente l'allusione politica. Il matrimonio... disgrazià è quello di Trieste con l'Austria.
- Note