El nostro Re
|
Edission original: |
Attilio Turco, Sonetti Veronesi, Verona, Tipografia Operaia, 1924 |
|
Fonte: |
| ← El romanzeto | Edission e fonte ▼ | I tedeschi e la pace → |
EL NOSTRO RE
El nostro Re 'l g’à tegnù sempre bota1
Dal primo jorno ch’è scopià la guera;
E ’l gà tendù a l’esercito, a la flota,
La so’ jornada no’ g’à vù mai sera!
L’à trasportà la regia in te ’na grota
Par 'star coi so’ soldadi a la frontiera,
Par vèdar meio, quando jera in rota
I nemissi a scapar de gran cariera!
E ’l s’à mostrà campion de dissiplina
De valor, de coraio e resistensa:
E l’à animado, esercito e marina,
Col bon esempio e co la so presensa
Par compensarlo, l’à volù la Gloria,
Darghe el So nome a l'ultima vitoria!
- Note
- ↑ tegnù sempre bota ― resistito sempre.