Verxi el menu prinsipałe

El personal de teatro

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El personal de teatro
1906
Edission e fonte ▼
[p. 88 modifica]
EL PERSONAL DE TEATRO.


Omo posado e serio per natura,
Seco, ben fato, un pochetin nervoso,
Oci, bafeti e cavelada scura,
In flaida1 e scarpe lustre come un sposo,
Quel che de tuto devi ciorse cura,
Che mai no 'l trova un'ora de riposo,
Xe quel ometo che vedè in orchestra.
Che fermo no sta mai co la man destra!

La vita 'l ga passado fra le crome,
Tra quarti, mezi quarti e acidenti,
Per quel, grasso no 'l xe, ma seco come
El legno che 'l ga in man, e fra tormenti
El riva,2 quando 'l riva, a farse un nome
Per poder guadagnar, pò, con gran stenti
Ogni do mesi, quel che ga in un giorno
Un tenor zigalon3 che no sa un corno.

Responsabile in tuto. Se un cantante
Xe duro come un pal e no se move,
Xe lu che no ghe insegna. El xe calante?
Lo ga stancado lu con massa prove;

[p. 89 modifica]

Se 'l lo protesta, el ciapa de birbante,
Ghe vien adosso i fulmini de Giove,
Se 'l ziga un poco e che no 'l fa 'l macaco,
Xe qualchidun che ghe minacia un paco.4

Lu xe sempre in lavor, o al pianoforte,
O in orchestra, col coro e co la banda.
O 'l prova che la luse no sia forte,
O che la scena no sia tropo granda,
O le comparse che no vadi storte,
O lampi o toni, tuto lu comanda!
El devi star atento e far la prova
Fin per posar un manego de scova.

Se 'l ga esigenze, se 'l ghe tien a l'arte,
Se 'l vol artisti e boni sonadori,
Le imprese e le agenzie lo lassa in parte
Disendo che 'l fa spender tropi bori.5
Se 'l aceta cussì le robe scarte,6
La stampa zerto no ghe buta fiori,
Cussì lu devi far l'economista
De una parte e de l'altra far l'artista!

St'altro che vien7 no se distaca tanto,
Per far el suo dover, da quel de sora
Senza acquistarse tanta gloria o vanto.
Xe un ometo che suda e che lavora,



Note
  1. flaida, marsina (Il vocabolo flaida deriva da falda)
  2. el riva, arriva
  3. zigalon, da zigar, gridare; sbraitone schiamazzatore.
  4. un paco, in questo senso, un rovescio di bastonate
  5. tropi bori, troppi quattrini
  6. scarte, scadenti
  7. st'altro che vien, è il maestro dei cori. Come si vede, la figurina disegnata finora era quella del maestro concertatore