Verxi el menu prinsipałe

El pitor de natura morta

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
El pitor de natura morta
XX secolo
Edission e fonte ▼
[p. 74 modifica]
EL PITOR DE NATURA MORTA.


Lo vedè per la piazza in mezo ai fiori
C'una vecia sportela soto scaio,1
Che 'l crompa rose, verze e pomidori,
Fragole, girasoi e reste d'aio!2

Cussì missià fra serve e servitori
In mezo ala salata e al formaio
Lo ciogaria3 per uno de quei siori
Che 'l spendi tuto e no 'l li meti in taio!4

Ma inveze 'l xe un pitor mezo spiantà5
Che fiori 'l zerca e fruti dei più bei,
Per far dei quadri... che no 'l vendarà:

E quando in studio 'l meti zo i penei,
Visto che de magnar altro no 'l ga,
Pacifico 'l se magna... i sui modei!



Note
  1. C'una, sincopato di con una; soto scaio, sotto l'ascella
  2. reste d'aio, reste d'aglio
  3. lo ciogaria, lo prenderei
  4. no'l li meti in taio, non risparmia (cioè non mette i denari nel salvadanaio)
  5. spiantà, spiantato, disperato.