El prete e 'l zornalista
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El mecanico | Edission e fonte ▼ | El zornalista e 'l prete → |
EL PRETE E ’L ZORNALISTA
Bepo: se conossemo da putei,
Co se ziogava ne la corte istessa;
Nel trentanove mi go dito messa,
E da quel tempo ti me dà del lei.
Ma semo sempre stai più che fradei;
E come no ti vol che me rincressa
A veder nei to scriti compromessa
La ciesa e i servi de l’altare Dei?
Fin che ti bati i vescovi, pazienza;
Siben che... a vidimarghe le bolete
L’è afar de la Divina Providenza;
Ma intrar nel sacro tempio co violenza,
E profanar la cotola del prete,
Bepo.... no go bevù.... xela cossienza?