El zornalista e 'l prete
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El prete e 'l zornalista | Edission e fonte ▼ | El codon → |
EL ZORNALISTA E 'L PRETE
So Ludro, e me ne vanto! Oh questa è bela!
Varè che adesso no sarè paron
De stuarghe a San Piero la candela
O sonarghe a Bertoldo el campanon!
Mi no go mai tocà la religion,
Che, a dirla schieta, no la xe più quela.
I preti? Mo che i vada a tombolon....
Abate: fazzo un'ecezion per ela.
Comandeli? So qua: che i vegna avanti.
S'anca no i paga subito, no cade;
A mi la cura de muar i santi.
Se no, destiro zo: chi toca toca.
Ogio per questo a dir mea culpa? Made:1
No forbo mai la pena co la boca.
- Note
- ↑ Mainò.