El viazo in pressa
|
Edission original: |
Luigi Bampo, Miscellanea o trentacinque cose per trentacinque soldi, Treviso, Francesco Andreola, 1828 |
|
Fonte: |
Indice:Bampo - Miscellanea o trentacinque cose per trentacinque soldi, Treviso, Andreola, 1828.pdf |
| ← Il tiro a sei | Edission e fonte ▼ | Dialogo tra un Professor d'Astronomia, e un vechio zentilomo → |
XVII.
El viazo in pressa.
********
Un certo tal, no so de che paese,
Ma dei nostri no certo,
Arivà a Mestre el gavea gran premura
De portarse a Venezia,
E per far presto el drito cossa falo?
El vol montar in gondola a cavalo,
Disendo che a caval se fa più presto;
E za el montava, se no gh'è l'amigo
Che alfin lo persuada,
Che anzi el cavalo saria stà un intrigo.