El xe tempo per Dìo, buzaradona
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Frati, mo la sarave buzarona | Edission e fonte ▼ | Co all'Inferno xe andà la Bavellera → |
El xe tempo per Dìo, buzaradona,
Ch'all'Inferno ti vaghi a tormentar,
A tior la pena del to gran peccar
4Colle man, e col Culo, e colla Mona.
Và là, che quà no ghe xe più persona,
Che te voggia chiavar, nè buzarar,
Nè che pur voggia farselo menar,
8Che i xe stuffi de ti, Porca barona.
Se puol dar, che Pluton là te schiavazza,
O qualchedun dei dannai più desperà,
11Che gabbia voggia d'una puttanazza.
Và là scroa, superba, e scarabazza,
Ch'Osei de fuogo sempre ti averà
14In t'i Occhj, in tel Cul, nella Monazza.
Và, che bon prò te fazza,
Che ad alta vose i ciga quei meschini,
17Vientene, vien con nù, Porca, a far nini.