Eviva a la castradina
|
Edission original: |
Carlo Rumor, Chi le conta xe qua, Venezia, Scarabellin, 1904 |
|
Fonte: |
Indice:Rumor - Chi le conta xe qua, Venezia, Scarabellin, 1904.pdf |
| ← El progresso | Edission e fonte ▼ | I colombi del Comun → |
Che ti vegni da la Russia,
da la Spagna o da la Cina,
da Mogian o Pelestrina,
da la Franza o dal Perù;
che i te porta co 'na tecía,
'na tarina o 'na pignata,
rota in tochi opur intata,
sora un piato o s'un tagier;
che i te serva cota o crua,
dura, tenara o salada,
che i te gabia cusinada
co de l'acqua o co del vin;
che i te magna co le verze,
co 'l radicio o pevaroní,
che i te magna co i pironi,
co i corteli o co le man;
tuti quanti a brazzi averti,
castradina mia dileta,
qua i te brama, qua i te aspeta
come mana zo dal çiel!
No, no meterte in angustia,
no tremar da la paura,
qua ti trovi sepoltura,
garantisso, come va:
dopo messa fra sti denti,
rota in tochi e mastegada,
la to morte xe: cazzada
soto un goto de quel bon.