Fiorina/Atto terzo
|
Edission original: | |
|
Fonte: |
| ← Atto secondo | Edission e fonte ▼ | Atto quarto → |
Mar. Al sangue de la santa que a no la vuo cavar fuora, que sel ge torna, a vuo mazzare de fatto: a vuo pur anare a veere de la Fiore: E que la me dige zo que gha paresto de sta ballata. Criu mo, que la me vorra del ben? no faele: per que la dira che son valenthomo: a poer portare tante bastone. Oh vela a ponto, che la vuole anar per aqua: Morbo: mo hare la bella comilite de faelar co ella: lagame anare. Dio vhai castello.
Fior. Ben vegne ogio be bello.
Mar. Ogio bello fa bel guardare, caro amore lageve basare.
Fior. O ve vegne el morbo, fa vuogio: mo que parole diu?
Mar. No, a no dighe per mal negun: a gho slainò co dise la Canzon:
Fior. A cherzo que lhaessa an fatto mi.
Mar. Cancaro a chi nol faesse.
Fior. Mo el pesse muzzerae. Mar. Chi nol saesse pigiare so dano.
Fior. Mal drean, a si pur cativo.
Mar. A si ben pi cativa vu.
Fior. Mo mi a no fage despiasere a negun, con fe vu.
Mar. Mhaiu vezu cara Fiore?
Fior. Shave vezu an? potta, a se chel criava mi, quel sharae aldio, dinchina in Polverara.
Mar. Me hoge porto da valente?
Fior. Da Rolando: a parivi, un toro abavo, mo si el no vegniva me pare, al conzavi de bello, a te se dire.
Mar. Po a lharae mazzò de fatto, quel nharae magno pi pan, ve se dire.
Fior. Orsu, a vuo anare per aqua, per poer fare da cena.
Mar. An Fiore? mo no volivu gnente de ben?
Fior. No saiu sa vin vuogio? min vosseu tanto ami.
Mar. Mi, a nhe me ben, se lo me co a ve vego.
Fior. E mi, a no som me de buona vuogia, se lome con a ve posso veere.
Mar. Mo, a me lago pur veere.
Fior. Si quando vin vien vuogia: mi, a son sempre de vuogia de veerve: perque, a ve vuo ben.
Mar. Alla fe, el me tira pi la vuogia a mi a digo de vegnirve a veere, que la no ve fa a vu: mo el besogna tendere a laorare: Guarde mo la festa? que no se laora, se me lago veere, quanto à voli? Fior. An Marchioro? haiu anchora sapo el vostro sorgo?
Mar. Perque? me voliu vegnire aiare?
Fior. A ge vegnerae ben, mo el me se sto ditto, quel se troppo chiaro.
Mar. Mo el besognerave; per ogni do gambe, piantargene una in mezzo: chil volesse inspessire.
Fior. Mo que no ge le piante vu?
Mar. Vegnime agiare, que la piantaron vu e mi de briga: Cancaro, el me farae po le belle panogie:
Fior. Se a vorri, a ge vegnire mi: mhaiu intendu, con a vuo dire?
Mar. Po.se.e intendu, a crezo ben: sianto cosi scaltrio con son: a voli me fe, chave fage domandare.
Fior. Mo vogiantome tanto ben, co a di, e mi, vogiantovene a vu, que volivu star aspittare?
Mar. Te par, che la intendeva mi an? al sangue che à no vuo dire de san Crissinman: que nhai si per me slainò la parolla, que a la bechie se de fatto: mo aldi: promettonse de briga, e chialo, i sti fuossi e fuogie fagon el matremuonio.
Fior. No, feme pur domandare, a me pare, quel el me ve dara ben ello.
Mar. Mo sel diesse de no: que fassante puo?
Fior. A fassam con se fa: cha muzzerae po via cum vu: una notte: Marchioro? muzze via presto, quel ven Ruzante armò: quel no ve fage despiasere.
Mar. On ello?
Fior. Muzze potta de la giandussa: que gie purasse, chi ve amazzerave.
Mar. Si foesse artanti, a no ge harave paura: guarde mo, se a vuo muzzare: no mai: no muzzaro.
Fior. A ve dige, che Rolando no gin vosse pi de uno: mintendiu? fe un puocho a me muo: ane via.
Mar. A vorrae, an far altro, pre vostro amore: mo christiana, si i foesse ben cento: pur que i no vegne: negi mancho de diese que vegna: a vago duncha, ste in bon hora.
Fior. Lagereve po veere: saiu?
Mar. Vontiera Fiore.