Go dito che

by Antonio Negri

3 Go dito che In gondoleta. Barcarole e rime veneziane Su la laguna Antitesi Antonio Negri 1895 XIX Poesie

Indice:In gondoleta.pdf

Antonio Negri ―  In gondoleta. Barcarole e rime veneziane

Go dito che

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

←  Su la laguna

Edission e fonte ▼

Antitesi  →

GO DITO CHE....¹

---

Go dito che un bel fior
     Par el to' lavro² belo e porporin:
     Go dito che l'amor
     4Dona el tò viso languido e carin.

Mostrandote crudel
     Co mi che fato gnente no te go,
     Che ti somegi³ al çiel,
     8In coscienza, più dir no podarò.

El sol ride nel dì,
     Nol xe, come 'l to' viso, imusonà....⁴
     Zo, Nina mia, de mi
     12Movite a compassion, gabi pietà.

E un'ociadina al cuor
     Dona, caro amor mio, che te vol ben....
     Somegia ancora a un fior,
     16Fa el to' viseto come 'l sol, seren!

---

1. Go dito che = Io dissi che
2. lavro = labbro.
3. somegi = somigli.
4. imusonà = imbronciato.