Su la laguna

by Antonio Negri

3 Su la laguna In gondoleta. Barcarole e rime veneziane Dal molo Go dito che Antonio Negri 1895 XIX Poesie

Indice:In gondoleta.pdf

Antonio Negri ―  In gondoleta. Barcarole e rime veneziane

Su la laguna

1895

Edission original:	Antonio Negri, In gondoleta, Barcarole e rime veneziane, Milano, Carlo Aliprandi, 1895
Fonte:	Indice:In gondoleta.pdf

←  Dal molo

Edission e fonte ▼

Go dito che  →

SU LA LAGUNA

---

Su la laguna passa adasio¹ el vento;
     La luna tra le nuvole se sconde²
     De tanto in tanto, su le calme onde
     Magnifico se specia el firmamento.

5Ne la gran pase quanta poësia,
     Fra 'l çielo e la laguna che armonia!

Su la laguna passa adasio el vento,
     Splendido riscintila el firmamento.


Ogni stela soride a la laguna,
     10Ogni onda specia l'oro de una stela;
     Dise l'aqua a la luna: «Ti xe bela.»
     «E ti xe un splendor» dise la luna.

El vento nel passar conta³ de amanti
     I alegri basi o i sconfortadi pianti,

15E le nuvole, a quel che dise el vento,
     Le regola el splendor del firmamento.

---

1. adasio = leggermente, lentamente.
2. sconde = nasconde.
3. conta = racconta.