Haveva el cuor tra l'alegrezza e 'l riso

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Haveva el cuor tra l'alegrezza e 'l riso (Sonetto LXXII)
XVI secolo

 Edission original:   

Maffio Venier. Canzoni e sonetti.
A cura di Attilio Carminati, Manlio Cortelazzo, Tiziana Agostini Nordio
Venezia, Corbo e Fiore, 1993

 Fonte:

http://www.bibliotecaitaliana.it/testo/bibit001236

←  Sonetto LXXI. L'è tropo ogni tre mesi un quarto d'hora Edission e fonte ▼ Sonetto LXXIII. Signora mia, vu manizé per tuto  →
Altra edizion: La Lontananza (1817)

Haveva el cuor tra l'alegrezza e 'l riso
Quando soleva inanzi andar de fuora,
E quando che tornava in mia mal'hora
Me pareva partir dal paradiso.

Adesso mo, che son via da quel viso,
Che me mette su 'l cao la dalaora,
Maledisso dolente el ponto e l'hora
Che me ha da tanto ben, gramo, diviso.

Za l'acque me pareva de crestal,
I campi, che ridesse, e la Natura
Me fesse inanzi i occhi un carneval.

Adesso tòrbia me par l'acqua e scura,
E vedo zò che vedo per mio mal
Senza la cara anzelica figura.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Haveva_el_cuor_tra_l%27alegrezza_e_%27l_riso&oldid=67915"